D’Gëlle Fraen

D’Gëlle Fraen lueden hire Publikum an op een Owend voller Nostalgie an drolege Momenter.
Dëse Quartett bréngt d'Essenz vun de glanzvollen Années folles zréck op d’Bün. Mat engem elegante Mix aus Musek, a Pantomim erlieft de Publikum ee Spektakel dee Loscht gëtt fir ze Laachen a selwer matzemaachen.

Fir hiren 10. Anniversaire huet de lëtzebuergesche Komponist Marco Pütz de Gëlle Fraen e ganz neie Programm geschriwwen.
„Golden Memories“ ass inspiréiert vun der Musek an dem Flair vun den 1920er Joren. Mat wonnerschéine Melodien, voller Rhythmus a Schwong, léisst des Musik d’Opbrochstëmmung an dat fräit, frout, frecht Liewensgefill vun deemools, elo honnert Joer méi spéit, op eng erfrëschend Manéier nees opliewen.

D’Gëlle Fraen
Inspiréiert vum „The Stars Ladies Orchestra“, an deem d’Lëtzebuergerin Laure Koster an den 20ger Joren zu Antwerpen als Saxophonistin gespillt huet, hu mir eis 2013 zesumme gedoen, fir als lëtzebuergeschen Dammenorchesterchen opzetrieden.

Saxophon : Nadine Kauffmann
Piano : Lynn Orazi
Percussion : Nancy Schlammes
Pantomime a Slapstick : Martine Conzemius

Produktioun : D’Gëlle Fraen
Coproduktioun. : Philharmonie Lëtzebuerg